Shumica e migrantëve në Austri nga vendet e BE-së - Bota Sot
Shumica e migrantëve në Austri nga vendet e BE-së

Evropë

Shumica e migrantëve në Austri nga vendet e BE-së

Më: 19 shtator 2019 Në ora: 11:47
Foto

Në ndryshim nga perceptimi publik, njerëzit që emigrojnë në Austri janë kryesisht nga vendet e tjera anëtare të BE-së.

Në 10 vendet e para të listës së origjinës, i vetmi vend joeuropian ishte Siria, e renditur në vendin e pestë.

Sipas publikimit të “Migration Outlook” i Organizatës për Bashkëpunim dhe Zhvillim Ekonomik (OECD) i botuar dje, numri më i madh i emigrantëve në vitin 2017 ishte nga Rumania, Gjermania, Hungaria dhe Serbia.

Nga vendi i gjashtë deri në të dhjetin u renditën Polonia, Kroacia, Sllovakia, Bullgaria dhe Italia.

Për shkak të lëvizjes së lirë të njerëzve në BE, Austria nuk mund të limitojë fluksin nga asnjë vend i BE-së.

Kroacia është vendi i vetëm që ka ende një kufi mbi lirinë e lëvizjes së njerëzve deri në mesin e vitit 2020.

Rritja më e madhe ishte midis migratëve të ardhur nga Rumania (më shumë se 1 200).

Ulja më e madhe ishte midis emigrantëve nga Afganistani (më pak se 9 600).

Në vitin 2018 numri i kërkesave për azil gati u përgjysmua.

Pjesa më e madhe e aplikantëve ishin të ardhur nga Siria (3 300), të ndjekur nga Afganistani (1 800) dhe Irani (1 000).

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...