Papa Françesku ka emëruar një ekspert të njohur italian të antimafias, si gjykatësin më të lartë penal të Shtetit të Vatikanit, mes raporteve për një skandal të ri.
Giuseppe Pignatone, një gjykatës në pension, u emërua kreu i Gjykatës së Shtetit të Vatikanit, deklaroi sot zyra e shtypit e Vatikanit.
Deri në fillim të këtij viti, 70-vjeçari ishte kryeprokurori i qytetit të Romës. Në atë rol, ai mori lëvdata për zbulimin e skandalit të ashtuquajtur “Mafia capitale”.
Sipas medieve italiane dhe revistës “l‘Espresso”, Pignatone mund të merret me një çështje madhore korrupsioni.
Hetimi lidhet me investimet në pasuri të patundshme në Londër dhe përdorimin e parave nga fondi i bamirësisë së Papës, i quajtur Pence Pence, deklaruan “l’Espresso” dhe media të tjera.
Në deklaratë thuhet se sulmet ishin pjesë e hetimeve mbi operacionet financiare të kryera me kalimin e kohës, të sugjeruara nga banka e Vatikanit, IOR, dhe nga zyra kryesore e auditit të Vatikanit.
