Presidentja e Komisionit Evropian Ursula von der Leyen tha sot në Parlamentin Evropian se dera e Bashkimit Evropian mbetet e hapur për anëtarësimin e vendeve të Ballkanit Perëndimor dhe theksoi se detyrat kryesore të Komisionit të ri do të jenë eliminimi i "kërcënimit për jetën" e ndryshimit të klimës përmes nxitjes për rritjen e ekonomisë së BE-së.
Ursula von der Leyen tha këtë përpara një debati në PE, i cili do të konfirmojë zgjedhjen e saj si drejtuese dhe komisionere të Komisionit të ri Evropian sot.
Dhjetëra eurodeputetë nga të gjitha grupet politike në PE kanë komentuar programin e paraqitur nga Ursula von der Leyen për punën e ardhshme të ekzekutivit të BE-së, dhe disa kanë mbështetur qëndrimin e saj që dyert e BE-së të qëndrojnë të hapura për Ballkanin Perëndimor dhe se BE "duhet t’iu tregojnë miqve tanë në Ballkanin Perëndimor, se ndajmë të njëjtin kontinent, histori dhe kulturë dhe të njëjtin fat ”.
Emërimi i Von der Leyen u shty për një muaj pasi Parlamenti Evropian shtyu votimin për ekipin e saj, pasi ishte i pakënaqur me disa nga kandidatët e caktuar për komisionerë.
Në të njëjtën ditë që Von der Leyen merr detyrën dhe zëvendëson Jean-Claude Juncker, Charles Michel do të marrë përsipër presidencën e Këshillit Evropian nga Donald Tusk.
