Një mjek urolog në Austri ka abuzuar seksualisht me 109 djem gjatë afro 20 viteve të fundit.
40 nga viktimat e dyshuara ishin më të rinj se 14 vjeç, tha zyra e prokurorisë në qytetin e sipërm austriak Ëels në një deklaratë. Të gjithë viktimat ishin pacientë të mjekut 57-vjeçar.
Ai mund përballet deri në 15 vjet burg. Akuzat përfshijnë abuzim të rëndë seksual, duke nxitur të tjerët të krijojnë pornografi për fëmijë dhe shpërndarjen e kanabisit tek të miturit.
Dyshohet se shpërndante dhurata të vogla dhe i tregonte disa nga filmat pornografikë të djemve në shtëpinë e tij, ku ndodhën disa nga abuzimet. Abuzimet e tjera u kryen në vendin e tij të punës.
Krimet e pretenduara filluan nga viti 2000 dhe zgjatën deri në janar të vitit të kaluar.
Rasti u zbulua pasi një nënë denoncoi mjekun se kishte filluar abuzimin me djalin e saj kur ishte 13 vjeç.
Zyra e prokurorisë tha se 57-vjeçari i bëri pacientët e rinj të besojnë se abuzimi ishte një pjesë normale e ekzaminimeve të tij mjekësore.
Pedofilia e mjekut është konsideruar si një çrregullim i rëndë mendor, thotë një raport i dëshmitarit ekspert.
