Një person me thikë i cili rregullisht falet në xhaminë Regent Park ka sulmuar një person rreth 70 vjet, në shpatull, derisa ai i thirrte adhuruesit musliman në lutje pasdite, dhe për këtë sulm policia thotë se nuk ishte veprim terrorist.
Dëshmitarët thanë se viktima ishte muzeini, i cili thërret muslimanët të falen në Xhaminë Qendrore të Londrës, një nga xhamitë më të mëdha të qytetit, afër Parkut Regent.
Një dëshmitar tha se i dyshuari ishte i rregullt në xhami dhe e kishte parë të paktën gjashtë muaj më parë, duke shtuar se viktima ishte goditur me thikë në krahun e djathtë.
Besohet se sulmuesi kishte pritur derisa kishin filluar të faleshin. Policia ishte ftuar në xhami pas orës 3 pasdite dhe kishte gjetur burrin e lënduar me thikë. Atë e trajtuan në vendin e ngjarjes para se të dërgohej në spital.
Policia tha se një tjetër burrë është arrestuar në xhami me dyshimin për tentim vrasje./BS
