Mbreti i Tajlandës e ka rezervuar tërësisht një hotel luksoz në pjesën jugore të Gjermanisë për t’u izoluar nga Coronavirusi për dy javë, ndonëse testi i ka dalë negativ.
Mbreti Maha Vajiralongkorn besohet t’i ketë rezervuar të gjitha dhomat e hotelit “Grand Hotel Sonnenbichl” në Bavari për t’u izoluar nga pandemia e Coronavirusit.
Tabloidi gjerman “Bild” ka raportuar se burri 67-vjeçar e ka rezervuar tërë hotelin me lejen e këshillit lokal, shkruan “Daily Mail”.
Tajlandezi e ka një shtëpi të dytë në Gjermani, ku e kalon një pjesë të madhe të kohës. Besohet se ai nuk është parë në vendlindje që nga muaji shkurt.
Lajmi për izolimin e mbretit të Tajlandës erdhi pasi u raportua se shtatë pjesëtarë të stafit të mbretit të Malajzisë janë diagnostikuar me Coronavirus.
Malajzia i ka më shumë se dy mijë raste të konfirmuara të koronavirusit, duke u bërë vendi më i prekur në Azinë Juglindore.
