Kryetari i Bashkisë së Moskës njoftoi rregulla të rrepta izolimi për qytetin nga e hëna, e fundit në një seri masash të futura në Rusi për të luftuar përhapjen e koronavirusit, raporton France24.
Kufizimet e reja do të zbatohen për të gjithë banorët e qytetit, pavarësisht nga mosha, tha kryetari Sergei Sobyanin në një deklaratë të Dielën.
"Kthesa tejet negative e ngjarjeve që shohim në qytetet më të mëdha në Evropë dhe Sh.B.A shkakton shqetësim të madh për jetën dhe shëndetin e qytetarëve tanë," tha Sobyanin duke prezantuar rregullat e reja.
Banorët e kryeqytetit do të lejohen të largohen nga shtëpitë e tyre në rast urgjence mjekësore, të udhëtojnë në punë të gjykuara thelbësore nga autoritetet, dhe të blejnë ushqime ose ilaçe, thuhet në deklaratë.