“Spanja është në mënyrë efektive në një fazë të stabilizimit, sipas të dhënave që kemi mësuar sot," tha Salvador Illa, Ministri i Shëndetësisë, në një konferencë shtypi në Madrid të mërkurën.
Illa përmendi rritjen e numrit të përgjithshëm të rasteve (i cili përfshin vdekje dhe shërim) në 8% që nga sot, rritja e përqindjes më të ulët që kur Spanja shpalli gjendjen e jashtëzakonshme në 14 mars.
Ai shtoi që shifra e re është duke zbritur nga niveli mesatar i 20% i regjistruar midis 15 dhe 25 mars.
Duke folur më herët në konferencën e përditshme teknike të koronavirusit të qeverisë Spanjolle, Mar Josa José Sierra, një zyrtare nga qendra e vendit për emergjencat shëndetësore të vendit, tha se numri i vogël i rasteve të shtuara vërteton për masat serioze që ka ndërmarrë Spanja.
Sierra tha se kishte rreth 6.000 shtretër të Njësisë së Kujdesit Internsiv nëpër Spitale.
Të dy Illa dhe Sierra kërkuan kujdes, duke thënë se masat e rrepta të izolimit duhet të vazhdojnë.
Qeveria e Spanjës është kritikuar nga partitë opozitare, disa punëtorë shëndetësorë dhe sindikatat për mungesë të raportuar të objekteve të NjQV, mungesë të mjeteve të mjaftueshme mbrojtëse personale dhe punonjësve shëndetësorë të tepërt, raportoi CNN, transmetoi Bota Sot.
