Rënie e lehtë e numrit të të infektuarve në Gjermani

Evropë

Rënie e lehtë e numrit të të infektuarve në Gjermani

Më: 4 prill 2020 Në ora: 15:08
Gjermani

Rastet e konfirmuara me koronavirus në Gjermani janë rritur për 6,082 – përkatësisht në 85,778 – gjatë 24 orëve të fundit.

Sipas të dhënave të Institutit Robert Koch të Qeverisë gjermane, shifra paraqet një rënie të lehtë krahasuar me një ditë më parë, kur janë raportuar 6,174 raste.

Instituti tha se numri i përgjithshëm i viktimave nga koronavirusi në Gjermani ka arritur në 1,158, nga 1,017 sa ka qenë të premten.

Lothar Wieler, president i Institutit Robert Koch, ka thënë se numri i të infektuarve të rinj ka nisur të vihet nën kontroll, falë masave që i ndalojnë njerëzit të mblidhen në publik.

Të 16 landet e Gjermanisë kanë rënë dakord për frenimin e lëvizjes deri më 19 prill.

commentFirst article
Sot mund të lexoni Shfletoni kopertinat