Përdorimi i kanabisit është rritur në Holandë gjatë krizës së coronavirusit, thuhet në një studim të ri.
Sipas mediave të huaja, Instituti Holandez i Trimbos për Shëndetin Mendor dhe Varësisë, thotë se dy në pesë persona që përdorin kanabis po e pinë më shpesh që nga shpërthimi, për shkak të mërzisë.
Në bazë të hulumtimit bëhet e ditur se stresi dhe çështjet e tjera psikologjike gjithashtu luajtën rol.
Megjithatë pothuajse gjysma e pjesëmarrësve thanë se sasia e tyre e zakonshme nuk kishte ndryshuar, ndërsa një në 10 janë duke e përdorur më pak, madje disa e kishin ndalur.
Kanabisi është substancë e legalizuar në Holandë, dhe njerëzit lejohen të blejnë sasi të vogla për përdorim personal.
