Tensione brenda BE’së, Viktor Orban publikon një foto të “Hungarisë së Madhe”

Evropë

Tensione brenda BE’së, Viktor Orban publikon një foto të “Hungarisë së Madhe”

Më: 10 maj 2020 Në ora: 19:03
Ilustrim

Viktor Orbán ka krijuar polemika të reja duke postuar një hartë historike të ‘Hungarisë së Madhe’ në Facebook.

Kryeministri i Hungarisë tregoi mbështetjen e tij për studentët që morën rezultatet e provimeve të tyre të mërkurën, duke shoqëruar mesazhin me një imazh të territorit të ish-Hungarisë para fundit të Luftës së Parë Botërore.

Ky territor historik përfshinte pjesë të mëdha të Kroacisë moderne, Serbisë, Rumanisë dhe Sllovakisë – të cilat u humbën të gjitha nën Traktatin e Trianonit të vitit 1920 pas rënies së shtetit të përbashkët austro-hungarez.

Hungaria humbi rreth dy të tretat e territorit të saj dhe disa qytetarë në vend e konsiderojnë trajtimin si një tragjedi kombëtare. Harta të ngjashme janë shfaqur edhe në mitingje të ekstremit të djathtë.

Drejtuesit e dy vendeve fqinje janë përgjigjur ndaj këtij gjesti në Facebook.

Të enjten, Presidenti Kroat Zoran Milanoviç u kërkoi studentëve të mos publikojnë ndonjë hartë të vjetër në mediat sociale.

“Në dollapët dhe arkivat tona ka shumë karta dhe harta historike që tregojnë atdheun tonë shumë më të madh se sa është sot,” shkroi Milanoviç në Facebook, duke shtuar se vendet e tjera evropiane gjithashtu do të kenë pretendime të ngjashme.

“Mos ‘ndani’ ato dhe mos i vendosni në profilin tuaj – ato nuk janë relevante ose efektive sot, dhe më e rëndësishmja, ata po shqetësojnë pafundësisht fqinjët tanë.”

“Kroacia është një vend dhe komb modern evropian … mësoni nga historia, por shikoni në të ardhmen.”

Ministri i jashtëm i Kroacisë, Gordan Grlić Radman, gjithashtu ka shtuar se marrëdhëniet midis Hungarisë dhe Kroacisë janë të shkëlqyera, por që pretendimet territoriale ishin të paimagjinueshme në BE.

Kjo nuk është hera e parë që Orbán ka ndarë imazhe hartën e Hungarisë “historike”, dhe kryeministri kroat tha në dhjetor se qeveria e tij “do të zhvillojë bisedime me palën hungareze” për çështje të tilla.

Për më tepër, Kryeministri i Rumanisë Ludoviç Orban reagoi në mënyrë sarkastike ndaj homologut të tij hungarez vonë të mërkurën duke përdorur një proverb rumun.

Qindra përdorues rumunë i janë përgjigjur gjithashtu Viktor Orbán në Facebook.

Rumania mbetet shtëpi për një komunitet të madh etnik hungarez, por të mërkurën, parlamenti i vendit refuzoi një iniciativë për të shpallur zyrtarizimin e gjuhës hungareze në Transilvani.

Vendimi kishte nxitur një reagim të zemëruar nga Unioni Demokratik i Hungarezëve në Rumani (UDMR), të cilët janë të lidhur ngushtë me partinë Fidesz të Viktor Orbán.

“Ne po kërkojmë atë që parashikon kushtetuta,” tha UDMR në Facebook.

Sot mund të lexoni Shfletoni kopertinat