Sllovenia shpërndan kuponë turistikë në vlerë 200 euro për qytetarët

Evropë

Sllovenia shpërndan kuponë turistikë në vlerë 200 euro për qytetarët

Më: 20 maj 2020 Në ora: 20:24
Sllovenia

Kuponët me të cilët Sllovenia dëshiron të inkurajojë shpenzimet në turizëm do t'i kushtojnë buxhetit të shtetit 345 milionë euro dhe ata do të lëshohen në formë elektronike, tha sot ministri i Ekonomisë, Zdravko Pocivalsek.

Të ashtuquajturit "kuponë turistikë" janë pjesë e paketës së re të ndihmës së qeverisë sllovene pas përfundimit të epidemisë së koronavirusit dhe do t'u jepen të gjithë qytetarëve në shumën 200 euro, dhe fëmijëve në shumën 50 euro, dhe mund të përdoren nga 1 qershori deri në fund të vitit, transmeton KosovaPress.

Teknikisht, kuponi në formë jo-material do të duhet të përdoret menjëherë në një nga objektet turistike sllovene, për një qëndrim të shkurtër me paraqitjen e një numri të taksës personale, dhe shteti do të paguajë paratë në llogari brenda tetë ditësh.

Vlerësohet se në këtë formë të shpenzimeve turistike vendase, me 345 milionë nga "kuponët" e dhuruar nga shteti, qytetarët kështu do të shpenzojnë edhe 172 milion euro shtesë.

Sipas pritjeve të qeverisë, mund të sigurohen rreth 5 milionë qëndrime në hotele, kampe dhe forma të tjera të akomodimit turistik.

commentFirst article
Sot mund të lexoni Shfletoni kopertinat