Thuajse një në gjashtë fëmijë spanjollë është ndier i dëshpëruar gjatë krizës së koronavirusit kurse ata më të varfrit, e kanë vuajtur më keq, tha një organizatë bamirëse të enjten.
Spanja ka pasur një nga kufizimet më të rrepta në botë, përfshirë mbajtjen e fëmijëve mbyllur me javë të tëra, për të frenuar epideminë që ka vrarë afro 28,000 njerëz.
“Save the Children” tha se sondazhi i saj në prill tregoi se ndërsa bllokimi i dha mundësinë shumë familjeve të kalonin më shumë kohë së bashku, ende 17% e fëmijëve u ndien në depresion shpesh ose çdo ditë dhe vështirësitë e reja ekonomike zgjeraun pabarazitë.
Në familjet më në nevojë, 32.3% e fëmijëve përpëliteshin për të fjetur, ndërsa 30.1% kishin frikë nga sëmundja COVID-19 - gati një e treta më shumë sesa në familjet më pak të rrezikuara.
Ata më të varfrit u ankuan më shumë, sipas anketës së më shumë 1800 familjeve dhe fëmijëve
“Save the Children” thanë se një nga katër familje të cenueshme ka pësuar humbjen e punës ose zvogëlimin e të ardhurave, duke rritur tensionin dhe pasigurinë te fëmijët. Në disa raste, familjeve iu është dashur ta ndajnë strehën me të huaj për të ulur koston e qirasë.
"Të qenit i izoluar në banesa shumë të vogla me njerëz që nuk janë pjesë e familjes tuaj është në të vërtetë një rrezik sepse këto familje po përballen me dy lloje stresi. Ata kanë humbur punën e tyre pasi nuk mund të punojnë dhe janë të izoluar në vende shumë të vogla, "i tha Reuters, Andres Conde, kreu i “Save the Children” në Spanjë.