Numri i kompanive të reja kineze në Gjermani po bie për të katërtin vit me radhë. Dhe ndërsa Pekini po përqendrohet më shumë në tregun e brendshëm, investitori më i madh i huaj në Gjermani është SHBA.
Angazhimi ekonomik i Republikës Popullore të Kinës në Gjermani është vazhdimisht në rënie. Për herë të parë në dhjetë vjet, superfuqia aziatike nuk është ndër tre investitorët e huaj më të rëndësishëm në Gjermani: vitin e kaluar, vetëm 154 kompani kineze hapën filialet e tyre në Gjermani. Kjo vjen nga të dhënat e agjencisë shtetërore për zhvillimin e biznesit në Gjermani të quajtur Trade & Invest (GTAI).
Ky trend negativ ka qenë i dukshëm për ca kohë. Robert Hermann, Drejtori i Përgjithshëm i Tregtisë dhe Investit (GTAI), thotë se “rënia e numrit të kompanive kineze që vendosen në Gjermani ka vazhduar për katër vjet”.
“Ndërsa ndërsa kishte këtu 281 kompani në vitin 2016, ai numër tani pothuajse është përgjysmuar”.
Për herë të parë që nga mbledhja e të dhënave për investimet e huaja që filluan njëmbëdhjetë vjet më parë, Kina nuk është më në 3 investitorët kryesorë në Gjermani, por është në vendin e katërt.
SHBA është përsëri në vendin e parë (302 projekte), e ndjekur nga Mbretëria e Bashkuar (185) dhe Zvicra (184).
