Tetë nga 20 rajonet italiane nuk kanë regjistruar sot ndonjë rast të ri të koronavirusit.
Në Itali u konfirmuan sot 321 raste të koronavirusit, pothuajse të njëjta si të martën, kur numri ishte 318.
Shumica e të infektuarve, 237 prej tyre, ishin regjistruar në rajonin verior të Lombardisë, i cili u godit më rëndë nga pandemia.
Sipas Agjencisë së Mbrojtjes Civile, 71 persona të tjerë vdiqën si rezultat i koronavirusit, ndërsa 55 viktima u regjistruan të martën.
Gjithsej 33.601 njerëz kanë vdekur në Itali deri më tani. Italia është e treta në botë sa i përket viktimave të koronavirusit, pas SHBA dhe Britanisë së Madhe.
Qeveria italiane hoqi kufizimet për lëvizjen midis rajoneve sot, me gjithë disa guvernatorë rajonalë nga frika se lejimi i qytetarëve për të udhëtuar jashtë Lombardisë mund të çojë në zona të reja me koronavirus në pjesë të tjera të vendit.
