Rusia regjistron 8 mijë e 800 raste të reja me COVID-19 - Bota Sot
Rusia regjistron 8 mijë e 800 raste të reja me COVID-19

Evropë

Rusia regjistron 8 mijë e 800 raste të reja me COVID-19

Më: 6 qershor 2020 Në ora: 15:52
Ilustrim

Rusia sot raportoi 8 mijë e 855 raste të reja me koronavirusin e ri (COVID-19), duke e çuar numrin e përgjithshëm në 458 mijë e 689.

Sipas ekipit emergjent të vendit, janë regjistruar 197 vdekje të reja dhe 8 mijë e 708 të shëruar gjatë 24 orëve të kaluara.

Numri i vdekjeve në vend u rrit në 5 mijë e 725, ndërsa gjithsej 221 mijë e 388 njerëz janë shëruar që nga fillimi i pandemisë. Javën e kaluar, qeveria ruse filloi të heqë kufizimet kundër koronavirusit brenda vendit, duke thënë se situata është stabilizuar, dhe vazhdoi me rihapjen e ekonomisë.

Kryeministri Mikhail Mishustin njoftoi një plan trefazor për kapërcimin e rënies ekonomike të shkaktuar nga pandemia, duke sugjeruar stabilizim deri në fund të vitit, rimëkëmbje të plotë në gjysmën e parë të vitit 2021 dhe arritjen e një rritjeje të qëndrueshme në fund të vitit 2021.

Qeveria nuk ka vendosur ende për rifillimin e udhëtimeve dhe turizmit, duke vazhduar ndalesën e udhëtimit të trafikut ndërkombëtar ajror dhe hekurudhor dhe duke mbajtur të mbyllur kufijtë për të huajt.

Pandemia ka marrë më shumë se 395 mijë jetë në botë. SHBA, Brazili dhe Rusia aktualisht janë vendet më të goditura në botë.

Shfaq komentet
comments powered by Disqus
Sot mund të lexoni Shfletoni kopertinat