Erdogan: Turqia ka shënuar regres në luftën kundër koronavirusit

Evropë

Erdogan: Turqia ka shënuar regres në luftën kundër koronavirusit

Më: 21 qershor 2020 Në ora: 07:01
Erdogan

Presidenti i Turqisë, Recep Tayyip Erdogan tha se Turqia ka shënuar regres në betejënkundër koronavirusit, por fokusimi në higjienë, përdorimin e maskave dhe mbajtjen e distancës, do të mbrojë njerëzit dhe do të ndihmojë ekonominë të rimëkëmbet gjatë pjesës së dytë të vitit.

Gjatë këtij muaji, në Ankara u rihapën restorantet dhe kafenetë dhe u hoqën kufizimet e lëvizjeve të qytetarëve gjatë fundjavave. Por, që prej 1 qershorit, rastet e reja më sëmundjen Covid-19, që e shkakton koronavirusi, janë dyfishuar në Turqi. Pothuajse, 1,600 raste të reja janë raportuar në baza ditore, që ka ngritur shqetësimin e autoriteteve.

“Numrat ditët e fundit, tregojnë se ne kemi humbur pozicionin në luftën kundër epidemisë. Por, ne kemi për qëllim që ta heqim pandeminë nga agjenda jonë, përmes respektimit të higjienës, mbajtjes së maskave dhe respektimit të rregullave të distancës”, tha Erdogan gjatë një adresimi televiziv.

Që prej lehtësimit të masave kundër koronavirusit, turqit kanë vërshuar rrugët, parqet dhe qendrat tregtare. Për këtë arsye, të enjten, autoritetet i bën të detyrueshme mbajtjen e maskave. Në Turqi, deri më tani janë regjistruar mbi 185,000 raste me koronavirus, duke e bërë këtë shtet të 13-tin në botë, për sa i përket numrit të të infektuarve.

Një javë më herët, asociacioni i mjekëve në Turqi, kritikoi qeverinë, për lehtësim të parakohshëm të masave. Ekonomia e Turqisë është goditur nga masat e vendosura kundër koronavirusit. Por, Erdogan u shpreh se sinjalet e rimëkëmbjes ekonomike kanë qenë “të forta” që prej muajit maj, duke shtuar se “presim një momentum të madh gjatë pjesës së dytë të vitit”./REL

commentFirst article
Sot mund të lexoni Shfletoni kopertinat