Bullgaria e zgjat gjendjen emergjente pas rritjes së numrit të rasteve me Covid-19

Evropë

Bullgaria e zgjat gjendjen emergjente pas rritjes së numrit të rasteve me Covid-19

Më: 24 qershor 2020 Në ora: 11:53
Foto ilustrim

Ministri bullgar i Shëndetësisë, Kiril Ananiev, tha të mërkurën se vendi i tij do ta zgjasë gjendjen emergjente deri më 15 korrik për shkak të rritjes së numrit të rasteve me koronavirus.

Bullgaria më herët gjatë këtij muaji kishte filluar t’i lehtësonte masat kundër përhapjes së pandemisë, por javën e kaluar i regjistroi 606 raste të reja, duke shënuar rekord që nga fillimi i regjistrimit të infektimeve.

Të mërkurën atje u regjistruan rreth 130 raste të reja, duke e çuar në 4,114 numrin e përgjithshëm të infektimeve. Për më tepër, në Bullgari deri më tani janë shënuar 208 viktima.

Kjo rritje e numrit të rasteve e shtyri Ministrinë e Shëndetësisë që t’i kthejë në fuqi rregullat për vendosjen e maskave në të gjitha hapësirat e mbyllura publike, përfshirë trenat dhe autobusët.

Minsitri Ananiev tha se shifra mesatare ditore e personave të infektuar me koronavirus nga 10 deri më 24 qershor është trefishuar me periudhën dyjavore paraprake.

commentFirst article
Sot mund të lexoni Shfletoni kopertinat