Dhuna kundër policisë nuk do të tolerohet, tha një zëdhënës i kryeministrit britanik Boris Johnson pas shpërthimit të trazirave në Londër gjatë natës, në të cilat u plagosën 22 oficerë policie.
Një zëdhënës i Johnson u tha gazetarëve se skenat nga vendi i ngjarjes ishin të tmerrshme dhe se autoritetet nuk do të toleronin dhunën kundër policisë.
Njëzet e dy oficerë policie janë plagosur dhe automjetet e tyre janë dëmtuar gjatë përleshjeve në një aheng të paligjshëm në rrugë, në jug-perëndim të Londrës.
Dy oficerë dhe dy persona u dërguan në spital pas "ngjarjes muzikore pa leje" në Brixton të mërkurën në mbrëmje.
Katër persona u arrestuan gjatë përleshjeve.
