Republika Çeke regjistroi 168 raste të reja me COVID-19, rritja më e lartë ditore që nga 11 prill, sipas të dhënave nga Ministria e Shëndetësisë.
Rritja ditore e rasteve është luhatur ditët e fundit, pasi janë kryer testime të synuara në disa vende.
Të premten në mëngjes, filluan testimet në një minierë në rajonin Karvina në kufirin me Poloninë.
Ky është rajoni më i prekur në Republikën Çeke, me rreth 90 raste të konfirmuara me COVID-19 për 100 000 banorë.
Deri tani, Republika Çeke ka regjistruar 11 038 raste me koronavirus dhe 349 viktima.
