Zgjedhjet në Francë: Partia e Macron mund të mos fitojë shumicën në asnjë qytet të madh

Evropë

Zgjedhjet në Francë: Partia e Macron mund të mos fitojë shumicën në asnjë qytet të madh

Më: 29 qershor 2020 Në ora: 00:20
Emanuel Makron

Votuesit të dielën kryesisht anashkaluan vendvotimet për raundin e dytë të zgjedhjeve lokale, të shënuara nga një rezultat i mirë i Të Gjelbërve dhe vështirësive të partisë së presidentit Emmanuel Macron, në disa qytete të mëdha, pavarësisht fitores së kryeministrit Edouard Philippe.

Gati 60 për qind e votuesve nuk dolën në votime, ndërsa shqetësimet për gjendjen shëndetësore vazhdojnë edhe pas fushatës së pafund, sepse kanë kaluar tre muaj e gjysmë për shkak të pandemisë midis dy raundeve zgjedhore.

Menjëherë pas rezultateve të para, presidenti Macron tha se ai ishte “i shqetësuar për shkallën e ulët të pjesëmarrjes”.

Partia LREM e Macron mund të mos arrijë një shumicë në asnjë qytet të madh, por kryeministri Edouard Philippe lehtë fitoi në qytetin Le Havre me 59 për qind të votave, njofton Kosova Press përcjell Klan Kosova.

Të Gjelbrit, të cilët po kalojnë mirë në disa qytete të mëdha si Lyon dhe Marseille, kanë konfirmuar rezultate të mira nga raundi i parë, sipas vlerësimeve të para të dielën.

Javët e fundit, LREM e Macron ka humbur një shumicë absolute në Asamblenë Kombëtare.

Pas raundit të parë të organizuar kur shpërtheu epidemia në Francë, u morën një numër masash paraprake për raundin e dytë, të tilla si maska mbrojtëse të detyrueshme, xhel dezinfektues dhe distancë sociale gjatë votimit.

Franca, e prekur keq nga koronavirusi i ri, ka regjistruar mbi 29 mijë 750 vdekje që nga fillimi i epidemisë së Covid-19.

commentFirst article
Sot mund të lexoni Shfletoni kopertinat