Komiteti Evropian i të Drejtave Sociale paralajmëroi Slloveninë për mos respektim të drejtës për pagë të barabartë dhe mundësi në vendin e punës pavarësisht nga gjinia, raporton agjencia e lajmeve STA, e cila thotë se hendeku i pagave midis burrave dhe grave për të bërë të njëjtën punë në këtë vend është rritur ndjeshëm.
Komiteti konstatoi se e drejta për pagë të barabartë pavarësisht nga gjinia në Slloveni ishte shkelur, pavarësisht ekzistencës së një kornize ligjore përkatëse, dhe bëri thirrje për përpjekje të mëdha për të kapërcyer këtë situatë.
Përveç Sllovenisë, komiteti paralajmëroi 14 nga 15 vendet anëtare të BE-së që përballen me akuza për mosrespektim të dispozitave të Kartës Sociale Evropiane.
Në Slloveni, në vitin 2010, hendeku i pagave midis burrave dhe grave për të bërë të njëjtën punë ishte 0.9 për qind në favor të burrave, që ishte më e ulëta në Evropë në atë kohë. Shtatë vjet më vonë, kjo ishte tetë për qind, dy herë më pak se mesatarja e atëhershme në nivelin e të gjithë BE-së.
