Dy burra në Angli janë shtruar në spital sot pasi kanë përdorur ilaçin anestezik për kafshët “Isoflurana”.
Mendohet se të dy këta burra kanë përdorur ilaçet e vjedhura dhe kanë përfunduar në gjendje të rëndë. Sipas deklaratës së policisë një burrë është 40 vjeç dhe tjetri është 50 vjeç.
Isoflurane, i njohur ndryshe edhe si ‘Iso-Flo’, është përdorur për të anestezuar kuajt dhe qentë, por mund të shkaktojë një reagim kërcënues për jetën nëse gëlltitet.
Burri i parë që u dërgua në spital, një burrë në të 50-at e tij nga Basingstoke, mbetet në një gjendje të rëndë në kujdesin intensiv.
Burri i dytë në të 40-at e tij nga Basingstoke, mori trajtim mjekësor pasi u dërgua në spital rreth mesnatës së natës së kaluar.
Dy burra, një 36-vjeçar dhe një 47-vjeçar, të dy nga Basingstoke janë arrestuar nën dyshimin për vjedhje dhe aktualisht mbeten në paraburgim.
“Ne po përsërisim paralajmërimin se marrja e ilaçeve që nuk janë të përshkruara për ju dhe nuk janë të destinuara për përdorim njerëzor, mund të ketë një efekt domethënës dhe serioz në shëndet”, është shprehur policia.
