Kryeministri suedez urdhëron hetime rreth dështimit të strategjisë për koronavirusin - Bota Sot
Kryeministri suedez urdhëron hetime rreth dështimit të strategjisë për koronavirusin

Evropë

Kryeministri suedez urdhëron hetime rreth dështimit të strategjisë për koronavirusin

Më: 7 korrik 2020 Në ora: 14:38
Stefan Lofven

Kryeministri suedez urdhëron hetime rreth dështimit të strategjisë për koronavirusin

Kryeministri i Suedisë, Stefan Lofven, ka dhënë urdhër për fillimin e hetimeve rreth vendimit të këtij shteti për të mos vendosur masa izoluese gjatë pandemisë pas regjistrimit të mijëra viktimave më shumë sesa vendet fqinje.

“Tani pyetja është se si duhet të ndryshojë Suedia, jo nëse (duhet të ndryshojë apo jo)”, shtoi ai.

Ndryshe nga shumica e vendeve evropiane, përfshirë shtetet fqinje, Suedia nuk ka zbatuar masa të rrepta të izolimit për ta luftuar pandeminë. Në vend të kësaj, shteti skandinav i ka lejuar bizneset të qëndrojnë të hapura dhe nxënësit të shkojnë në shkollë.

Në maj, epidemiologu shtetëror, Anders Tegnell, e justifikoi këtë menaxhim duke thënë se shtetet që kanë vendosur izolim të rreptë kanë gjasa të pësojnë valë të madhe të përhapjes më vonë gjatë vitit, ndërsa rastet në Suedi do të jenë më të pakta.

“Në vjeshtë do të jetë një valë e dytë. Suedia do të ketë një nivel të lartë të imunitetit dhe numri i rasteve do të jetë ndoshta goxha i ulët”, kishte deklaruar ai.

Megjithatë, duket se strategjia e epidemiologut ka dështuar pasi të dhënat e fundit tregojnë se virusi është përhapur më shpejt që nga deklarata e Tegnellit dy muaj më parë, ndërsa është shënuar dështim për nxitjen e prodhimit të antitrupave të mjaftueshëm në komunitet për parandalimin e valës së dytë.

Sipas një studimi të publikuar në maj, vetëm një numër i vogël i njerëzve apo 7.3 për qind kanë zhvilluar antitrupa të koronavirusit, duke hedhur dyshime për atë nëse Suedia do të mund ta arrinte imunitetin e tufës në të ardhmen e afërt.

Shfaq komentet
comments powered by Disqus
Sot mund të lexoni Shfletoni kopertinat