​Britania ka shkallën më të lartë të vdekshmërisë në Evropë gjatë pandemisë COVID-19

Evropë

​Britania ka shkallën më të lartë të vdekshmërisë në Evropë gjatë pandemisë COVID-19

Më: 30 korrik 2020 Në ora: 17:34
Foto ilustrim

Britania e Madhe ka nivelin më të lartë të vdekshmërisë së rritur gjatë pandemisë Covid-19 në krahasim me 21 vende evropiane, tregoi një analizë nga zyra e statistikave të enjten.

Epidemiologët thonë se vdekshmëria në rritje, një vdekshmëri nga të gjitha shkaqet e mundshme që në një pjesë të caktuar të vitit tejkaloi mesataren pesëvjeçare, është mënyra më e mirë për të përcaktuar vdekshmërinë e koronavirusit, pasi është e krahasueshme ndërkombëtarisht.

Një analizë nga zyra shtetërore e statistikave tregoi se Britania është një nga vendet më të prekura nga pandemia që vrau më shumë se 660.000 njerëz në botë.

Deri më tani këtë vit, 65.000 më shumë njerëz kanë vdekur në të gjithë Britaninë se zakonisht, statistika më e zezë në të gjithë Evropën.

Vdekjet janë të përhapura në të gjithë vendin, ndryshe nga vendet e tjera evropiane ku janë përqendruar në rajone të caktuara.

Megjithatë Anglia ka një shkallë vdekshmërie dukshëm më të lartë se Skocia e cila, nga ana tjetër, regjistron norma më të larta se Uellsi dhe Irlanda Veriore.

Numri i lartë i vdekjeve ka tërhequr kritikat në kurriz të kryeministrit Boris Johnson dhe disa partive opozitare, dhe studiuesit pretendojnë se Britania futi karantinë shumë vonë dhe nuk arriti të mbrojë qytetarët e moshuar në kohë.

Johnson rithekson që qeveria i ka dëgjuar ekspertët, por se do të nxjerrë mësime të caktuara.

commentFirst article
Sot mund të lexoni Shfletoni kopertinat