Gjermania shënon vetëm një viktimë të Covid-19 për 24 orë, përgjysmohen infektimet - Bota Sot
Gjermania shënon vetëm një viktimë të Covid-19 për 24 orë, përgjysmohen infektimet

Evropë

Gjermania shënon vetëm një viktimë të Covid-19 për 24 orë, përgjysmohen infektimet

Më: 9 gusht 2020 Në ora: 08:11
Foto ilustrim

Instituti gjerman për sëmundje ngjitëse “Robert Koch” ka njoftuar se gjatë 24 orëve të kaluara në Gjermani është shënuar një i vdekur nga koronavirusi.

Në këtë mënyrë, numri i përgjithshëm i viktimave të sëmundjes së re në ekonominë më të fuqishme evropiane shkoi në 9,196, shkruan “Reuters”.

Përpos rasteve fatale, gjatë kësaj periudhe u shënuan edhe 555 infektime të reja dhe shifra e përgjithshme e të prekurve shkoi në 215,891. Një ditë më parë u shënuan mbi 1,100 raste.

Ndryshe, qeveria gjermane tashmë i ka larguar kontrollet kufitare me shtetet anëtare të Bashkimit Evropian dhe me disa vende të tjera.

Ndonëse është në mesin e shteteve evropiane me numrin më të lartë të personave të infektuar, Gjermania ka regjistruar shumë më pak viktima se Britania e Madhe, Franca, Italia e Spanja.

Shfaq komentet
comments powered by Disqus
Sot mund të lexoni Shfletoni kopertinat