Greqia shënon rekord të rasteve ditore të koronavirusit - Bota Sot
Greqia shënon rekord të rasteve ditore të koronavirusit

Evropë

Greqia shënon rekord të rasteve ditore të koronavirusit

Më: 10 gusht 2020 Në ora: 08:45
Foto Ilustrim

Gjatë 24 orëve të kaluara, në Greqi janë regjistruar 203 raste të reja të koronavirusit. Kjo është shifra më e lartë ditore e të infektuarve që nga fillimi i pandemisë.

Përpos rasteve të reja të personave të infektuar, vendi helen regjistroi edhe një viktimë dhe numri i përgjithshëm i të vdekurve shkoi në 212, shkruan The Guardian.

Në anën tjetër, shifra e përgjithshme e të infektuarve ka shkuar në 5,623, që është numër mjaft i vogël në krahasim me vendet fqinje.

Greqia vendosi masa të hershme kufizuese në mesin e marsit, të cilat ndikuan që shteti të kursehej nga efektet shkatërruese që u panë në disa vende të tjera evropiane.

Nga e hëna deri më 31 gusht, të gjithë njerëzit do të jenë të detyruar të përdorin maska në dyqane dhe mjetet e transportit, përpos veturave private.

Maskat janë të obligueshme edhe në kisha, por nga ky detyrim do të jenë të liruar priftërinjtë.

Shfaq komentet
comments powered by Disqus
Sot mund të lexoni Shfletoni kopertinat