Grumbullimet e më shumë se 10 personave janë të ndaluara në Paris, nëse nuk garantohen gjestet mbrojtëse, njoftoi sot Prefektura e Policisë.
“Vënia e detyrueshme e një maskë mbrojtëse, tashmë në fuqi në disa rajone në kryeqytet, nga e shtuna ora 20:00 do të shtrihet edhe në një pjesë të Champs-Elysées dhe në zonën e muzeut të Luvrit në veçanti”, sipas të njëjtit burim.
“Nëse situata epidemiologjike do të përkeqësohet përsëri, vënia e një maskë mund të bëhet e detyrueshme në të gjithë kryeqytetin”, vazhdoi policia.
Kryeministri Jean Castex u bëri thirrje të martën francezëve që të tregohen të përgjegjshëm, për të shmangur rifillimin e epidemisë.
