Konflikti në Mesdhe/ Erdogan-Greqisë: Jemi ‘llokmë’ e madhe për ju, nuk na hani dot!

Evropë

Konflikti në Mesdhe/ Erdogan-Greqisë: Jemi ‘llokmë’ e madhe për ju, nuk na hani dot!

Më: 12 shtator 2020 Në ora: 14:09
Recep Tayyip Erdogan

Teksa tensionet mes Greqisë dhe Turqisë vijojnë, presidenti turk Rexhep Tajip Erdogan ndau në rrjetet sociale një video të vjetër duke paralajmëruar armiqtë e tij dhe tha se turqit janë më të mëdhenj, e për këtë arsye nuk i mundin dot.

Kjo deklaratë luftarake vjen gjatë tensioneve të rritura midis Turqisë dhe Greqisë në Mesdheun Lindor për kërkimin e gazit.

"Është një tryezë ujku (një kurth) që ju keni përgatitur. Ju dëshironi të na hani në atë tryezë ujku, por më vjen keq, ne jemi shumë të mëdhenj për ju, nuk mund të na hani dot", thotë Erdogan në video.

Video është bërë në vitin 1998, kur Erdogan u largua nga partia Refah (mirëqenie) e udhëhequr nga Necmettin Erbakan, e cila ishte përjashtuar nga pushteti për shkeljen e ndarjes së fesë dhe shtetit.

commentFirst article
Sot mund të lexoni Shfletoni kopertinat