Qindra banorë në disa zona më të varfra të kryeqytetit spanjoll Madrid kanë protestuar kundër asaj që ata e quajnë diskriminim përpara masave të reja të bllokimit për të ndaluar një rritje në Covid-19.
Kufizimi i lëvizjes dhe tubimeve fillon të hënën dhe prek 850,000 njerëz, shumë në zona me të ardhura më të ulëta dhe me popullsi më të lartë imigrantësh, shkruan BBC.
Protestuesit thanë se ndiheshin të braktisur dhe bënë thirrje për masa më të mira shëndetësore.
Spanja ka numrin më të lartë të rasteve të koronavirusit në Evropë.
Madrid është edhe një herë rajoni më i goditur. Të dielën, protesta paqësore u mbajtën në 12 nga 37 rrethet e prekura nga kufizimet e reja.
