Zogj të ngordhur që bien nga qielli; tingëllon si një skenar apokaliptik, por diçka e tillë ndodhi në një qytet të Rusisë.
Përdoruesit e rrjeteve sociale shpërndanë video ku dhjetëra zogj të ngordhur mbuluan rrugët e qytetit Balakov.
Imazhet e para u shfaqën në rrjetin social rus V Kontakt dhe në web-faqen “Tipik Balakovo”, kushtuar këtij qyteti që gjendet rreth një mijë kilometra larg nga pjesa jugore e Moskës, dhe në afërsi të të cilit gjendet një central i madh bërthamor.
Një sërë teorish konspirative kanë qarkulluar rreth fenomenit ende të pashpjeguar. Disa besojnë se arsyeja janë erërat e forta, të tjerë kanë fajësuar ndotjen e ajrit por edhe rrjetin 5G, edhe pse një rrjet i tillë ende nuk është në Rusi.
