Presidenti francez Emmanuel Macron të dielën akuzoi udhëheqësit e Libanit për tradhëti në premtimet e tyre mbi dështimin për të formuar një qeveri pas shpërthimit gjigand në portin e Beirutit në muajin gusht, raporton France24.
Në një konferencë të rrallë për shtyp kushtuar Libanit, Macron tha se elita politike kishte vendosur "të tradhtonte" detyrimet e tyre dhe kishte kryer "tradhti kolektive" duke mos formuar një qeveri.
Kryeministri i emëruar i Libanit Mustapha Adib dha dorëheqjen të shtunën, duke thënë se ai nuk kishte qenë në gjendje të formonte një qeveri me mendje reformash.
"Ata kanë vendosur të tradhtojnë këtë angazhim (për të formuar një qeveri)", u tha Macron gazetarëve, duke deklaruar se ishte "i turpëruar" nga udhëheqësit e vendit.