Për shumë kë politikan i së ardhmes dhe shembull për ndryshime, të tjerët i parashikojnë se "do të digjet" për shkak se u rreshtua me koalicionet proserbe në Mal të Zi - shqiptari nga Ulqini, Dritan Abazoviq, u shndërrua në politikanin gjithsesi më interesant në rajon.
E pritur, në një bisedë për televizionin shtetëror të Malit të Zi, atij iu shtrua edhe pyetja rreth sigurisë së tij personale dhe kush e mbron.
Ai u përgjigj se nuk ka mbrojtje policore, pos që ndodhet nën masat policore.
- Kam mbrojtje personale, por nuk dua të bej spektakël rreth kësaj. Nuk ndjehem i rrezikuar, askujt nuk i kam borxh asgjë dhe ndjehem shumë rehat - ka thënë Abazoviq.