Instituti gjerman për sëmundje ngjitëse “Robert Koch” ka njoftuar se dje në Gjermani janë shënuar 47 të vdekur nga koronavirusi.
Në këtë mënyrë, numri i përgjithshëm i viktimave në këtë vend evropian shkoi në 9,836, shkruan The Guardian.
Përpos vdekjeve, gjatë kësaj periudhe u shënuan edhe 6 mijë e 868 infektime të reja dhe shifra e përgjithshme e të prekurve shkoi në 373.167 gjithsej.
Ndryshe, qeveria gjermane tashmë i ka larguar kontrollet kufitare me shtetet anëtare të Bashkimit Evropian dhe me disa vende të tjera.
Gjithashtu, Gjermania ka regjistruar shumë më pak viktima se Britania e Madhe, Franca, Italia e Spanja.