Gjermania e fut në izolim nga ora 14 komunën me 100.000 banorë në Bavari

Evropë

Gjermania e fut në izolim nga ora 14 komunën me 100.000 banorë në Bavari

Më: 20 tetor 2020 Në ora: 13:07
Foto ilustrim

Gjermania e ka vendosur në orë policore nga ora 14 komunën Berchtesgadener të Bavarisë pasi vendi me natyrë të bukur alpine u bë vatra e dytë e përhapjes së koronavirusit.

Shkollat, çerdhet e fëmijëve dhe restorantet do të mbyllen nga e marta, ndërsa banorët nuk do të kenë të drejtë të dalin nga shtëpitë pas orës 14, përpos në rastet kur kanë arsye të madhe për të bërë një gjë të tillë.

Masa për izolim në këtë komunë të Bavarisë është e para e këtij niveli që nga muaji prill, shkruan The Guardian.

Komuna me rreth 100.000 banorë tash për tash e ka shkallën më të lartë të infeksioneve me Covid-19 në tërë Gjermaninë, me 272.8 raste të reja për 100.000 banorë gjatë javës së kaluar.

Përderisa qeveria gjermane po këmbëngul se do të përpiqet ta shmangë izolimin e dytë në nivel vendi, disa zyrtarë ditëve të fundit kanë propozuar që disa rajone të izolohen për ta parandaluar përhapjen e virusit.

Lothar Wieler, kryetar i agjencisë gjermane për kontrollimin e sëmundjeve, tha se përderisa për të para 9 muajve ka qenë e paimagjinueshme që distrikte të tëra të futen në izolim, kjo hap mund të merret nga rajonet federale tani.

Shfaq komentet
comments powered by Disqus
Sot mund të lexoni Shfletoni kopertinat