Edhe Sllovenia me masa të reja kundër COVID-19

Evropë

Edhe Sllovenia me masa të reja kundër COVID-19

Më: 26 tetor 2020 Në ora: 16:46
Foto Ilustrim

Sllovenia njoftoi se do të shtrëngojë masat kundër përhapjes së koronavirusit të ri që e shkakton sëmundjen COVID-19.

Autoritetet do të ndalin udhëtimit midis komunave të vendit, njoftoi të hënën agjencia e lajmeve – STA.

Masa do të jetë në fuqi në të gjithë vendin, nga e marta, për të paktën një javë, tha qeveria sllovene.

Kjo masë do të shfuqizohet në zonat ku situata epidemiologjike do të përmirësohet.

Masa shënon përpjekjen e fundit të qeverisë për të frenuar shkallën dramatike të përhapjes së koronavirusit.

Më parë këtë muaj, qeveria e kryeministrit, Janez Jansa, kufizoi udhëtimin midis rajoneve dhe vendosi për zhvillimin e mësimit në distancë.

Sllovenia ka më pak se 2.1 milionë banorë. Gjatë vikendit ky vend raportoi gati 14,300 raste aktive të koronavirusit, raporton DPA.

Shfaq komentet
comments powered by Disqus
Sot mund të lexoni Shfletoni kopertinat