Mjekëve të infektuar me koronavirus në qytetin belg të Liege, u është kërkuar të vazhdojnë të punojnë në një përpjekje të dëshpëruar për të parandaluar shembjen e sistemit shëndetësor.
Rreth një e katërta e punonjësve shëndetësorë në spital në qytet besohet se kanë testuar pozitiv për koronavirus.
Dhjetë spitale në qytetin lindor kanë kërkuar që mjekët që janë të infektuar me koronavirus, por nuk kanë asnjë simptoma të vazhdojnë të punojnë, sipas kreut të Shoqatës së mjekëve në Belgjikë, Devos.
Devos tha ndërsa ekzistonte një rrezik i qartë i transferimit të virusit tek pacientët, hapi ishte i nevojshëm për të parandaluar shembjen e sistemit spitalor brenda ditësh.
Një në tre pacientë në Liege po testohet pozitivisht ndaj virusit dhe spitalet kanë anuluar operacionet jo urgjente, raportoi BBC.
Belgjika regjistroi dje 15,600 raste të reja, me tetorin që ishte muaji më i lartë ende për rastet COVID-19.
Më parë këtë javë, Ministri i Shëndetësisë Frank Vandenbroucke paralajmëroi se vendi ishte afër një “cunami” infeksionesh ku autoritetet nuk mund të “kontrollonin më atë që po ndodhte”.
Vendet në të gjithë Evropën po luftojnë me valët e reja të virusit ndërsa kontinenti shkon në dimër.
Kombet më të goditura janë Republika Çeke, Belgjika, Hollanda, Zvicra dhe Franca.
Në të pesë vendet, numri i infeksioneve të reja është rritur që nga fillimi i tetorit.
