Presidenti francez Emmanuel Macron ka arritur në vendin e ngjarjes në Nice, ku mbetën të vrarë tre persona , ndërsa disa të tjerë mbetën të plagosur si pasojë e një sulmi me thikë.
Sulmuesi u arrestua nga policia disa minuta më vonë, derisa të plagosurit u dërguan në spital për trajtim.
Ngjarja ndodhi në katedralen Notre-Dame në Nice, ku mbetën të vrarë dy gra dhe një burrë.
Presidenti francez Emmanuel Macron shkoi në vendin e ngjarjes, derisa u zotua se do vendosen ushtarë shtesë për të mbrojtur vendin nga sulmet terroriste.
Ai tha se do dyfishohet numri i ushtarëve në rreth 7000, pas sulmit që ndodhi gjatë ditës së sotme. Franca kohëve të fundit ka qenë objekt i sulmeve terroriste, duke filluar nga mësuesi që iu pre koka e deri te kërcënimet e shumta për shpërthime bombe.
