Shitësi i kroasanëve dëshmitar i sulmit të tmerrshëm në Nice: Një burrë më tha se një gruaje i është prerë koka

Evropë

Shitësi i kroasanëve dëshmitar i sulmit të tmerrshëm në Nice: Një burrë më tha se një gruaje i është prerë koka

Më: 29 tetor 2020 Në ora: 17:31
Foto

Një shitës i kroasanave ishte dëshmitar i sulmit të tmerrshëm në katedralen Notre Dame në Nice të Francës, ku sulmuesi që bërtiti “Allahu Akbar” dhe vrau tre persona, shkruan The Guardian.

Shitësi David, dyqani i të cilit gjendet përballë katedrales, i kishte telefonuar policisë kur edhe para syve i kaloi një burrë që i tha se një gruaje në katedrale i është prerë koka.

“Po shisja kroasana kur një burrë u fut brenda lokalit dhe më tha: “Zotëri, në katedrale një grua është pa kokë”. Në fillim nuk besova, por ma tha sërish. Shkova në katedrale, pashë policinë lokale dhe më pas i alarmova edhe të gjitha forcat tjera që menjëherë u shfaqën aty”, ka deklaruar ai.

David u kthye menjëherë në lokal dhe mbylli dyert e hekurta si masë mbrojtëse.

“Burri që ishte futur në lokal ishte në katedrale dhe kishte mbetur i shokuar. Vetëm tha: ‘Zotëri, në katedrale një grua është pa kokë’. Kjo është e tëra. Jam shokuar, ende po dridhem”, ka shpjeguar David.

Kujtojmë, një burrë vrau dy tre persona, e siç raportojnë mediat franceze, sulmuesi ishte futur në katedrale dhe ia kishte prerë kokën një gruaje dhe dy tjerë i kishte therur me thikë.

Pas sulmit në Nice, konsullata franceze në Arabinë Saudite është sulmuar – më saktësisht roja e objektit. Përveç kësaj, një burrë kishte sulmuar policët në qytetin tjetër francez Avgninon, ku si kundërpërgjigje është qëlluar për vdekje nga policët. 

Shfaq komentet
comments powered by Disqus
Sot mund të lexoni Shfletoni kopertinat