Revista gjermane "Der Spiegel" ka publikuar pamje që tregojnë brutalitetin e policisë kroate ndaj migrantëve që përpiqeshin të kalonin nga BeH-ja në atë vend. Videoja është bërë në mars 2020 afër Polanës. Njerëzit me uniformë që besohet të jenë oficerë të policisë kroate i dëbojnë me forcë njerëzit nga Kroacia në BeH.
Oficerët e policisë kroate përdorin dhunë psikologjike dhe fizike. Ata përdorin kamxhikë, shkopinj dhe gurë për të larguar migrantët.
Exklusiv: An der EU-Außengrenze in #Kroatien schlagen vermummte Männer auf Flüchtlinge ein und weisen sie illegal nach Bosnien zurück. Zum ersten Mal zeigt ein Video die gewalttätigen #Pushbacks. Thread ? w/ @N_Voegele @derspiegel @LHreports https://t.co/TIlcYBUjF7
— Steffen Lüdke (@stluedke) November 18, 2020
"Kjo është një shkelje e qartë e ligjit", shkruan Der Spiegel.
Regjistrimet e botuara nga Die Spiegel janë deri më tani prova më e qartë e veprimtarive të paligjshme të policisë kroate, shkruan Istraga.ba. Kjo video e abuzimit u postua gjithashtu në kanalin e Border Violence Monitoring-ut në YouTube.
Migrantët që shfaqen në video ishin më herët në territorin e Sllovenisë, gjë që policia lokale e konfirmoi për mediat gjermane. Prandaj, është plotësisht e qartë se policia e Republikës së Kroacisë transferoi migrantët që pranuan nga Sllovenia në territorin e BeH-së duke përdorur metoda brutale.
Kroacia ka mohuar për vite me radhë që oficerët e saj të policisë po kontrabandojnë në mënyrë të paligjshme migrantë në territorin e BeH-së.