Një vajzë një muajshe vdiq në spitalin Nocera, në zonën e Salerno pasi kishte mbërritur e paushqyer dhe në kushte shumë të rënda.
Vajza e vogël u shtrua në spital në njësinë e kujdesit intensiv neonatal.
Sipas gazetës “La Città di Salerno”, foshnja ishte kequshqyer pasi nëna, nga frika e koronavirusit, nuk kishte kërkuar ndihmë nga mjekët dhe refuzonte të dilte nga shtëpia, raporton Ora News.
Ditët e fundit, megjithatë, situata është përkeqësuar. Kur prindërit u paraqitën me fëmijën në urgjencën e spitalit Umberto I në Nocera të premten e kaluar, situata ishte tashmë e dëshpëruar.
Përpjekjet për ta shpëtuar ishin të padobishme: foshnja vdiq të enjten, ndërsa Prokuroria ka nisur edhe një hetim për çështjen.
