​92 dënime të përjetshme për grusht-shtet në Turqi

Evropë

​92 dënime të përjetshme për grusht-shtet në Turqi

Më: 30 dhjetor 2020 Në ora: 14:39
Ilustrim

Një gjykatë turke dënoi sot me burgim të përjetshëm 92 të pandehur të tjerë, midis të cilëve janë anëtarë të rangut të lartë të ushtrisë, për pjesëmarrjen në përpjekjen e pasuksesshme të grusht-shtetit në vitin 2016, njoftoi agjencia shtetërore e lajmeve Anatolia, raporton Reuters.

Dymbëdhjetë të pandehur, përfshirë komandantët e forcave tokësore, morën dënime të përjetshme pa mundësinë e faljes, sipas agjencisë.

Muajin e kaluar, gjykata dënoi veçmas udhëheqësit e përpjekjes për grusht-shtet me të njëjtin dënim, për të cilin Ankara akuzon udhëheqësin fetar islamik Fethullah Gulen, i cili është në mërgim në Shtetet e Bashkuara dhe i cili hedh poshtë akuza të tilla.

Midis gati 500 të paditurve janë pilotë dhe oficerë ushtarakë, të cilët akuzohen të gjithë për përpjekjen për të rrëzuar presidentin Recep Tayyip Erdogan.

Sipas padisë, ata arritën një plan grusht-shteti nga baza ajrore ushtarake Akinci pranë Ankarasë.

Më shumë se 250 njerëz u vranë në një përpjekje për të përmbysur qeverinë më 15 korrik 2016.

Gjyqi filloi në gusht 2017 dhe aktakuza thotë se komplotistët donin të vrisnin Erdogan dhe të pushtonin institucionet kryesore shtetërore.

Shfaq komentet
comments powered by Disqus
Sot mund të lexoni Shfletoni kopertinat