Parukierët, sallonet e bukurisë dhe dyqanet e mëdha do të mbyllen dhe shkollat do të kthehen në mësimin në distancë në Qipro nga 10 janari, pasi vendi hyn në një bllokim të dytë kombëtar në përgjigje të një rritjeje të infeksioneve nag koronavirusi, shkruan “The Guardian”.
Ministri i Shëndetësisë, Konstantinos Ioannou, tha në një konferencë shtypi se njerëzit do të lejohen të largohen nga shtëpia vetëm dy herë në ditë për arsye specifike të tilla si blerja e artikujve ushqimorë ose ilaçeve dhe ushtrimet fizike.
Një shtetrrethim aktual që ndalon lëvizjen nga ora 21:00 deri në 5 të mëngjesit çdo ditë do të mbetet në fuqi.
Qiproja ka regjistruar 26.208 infeksione me koronavirusin që kur rasti i saj i parë u regjistrua në fillim të marsit 2020 dhe 140 vdekje. Ka pasur një rritje agresive të infeksioneve gjatë muajit të kaluar, me raste që tejkalojnë rregullisht 300 në ditë.
