Numri i rasteve me coronavirus në Gjermani u rrit në mbi 2 milionë, tregojnë të dhënat nga Instituti Robert Koch (RKI) për sëmundjet infektive.
Të dhënat tregojnë gjithashtu se numri i viktimave ka arritur në pothuajse 45 mijë
E alarmuar nga shkalla e lartë e infeksionit, nga shkalla e vdekjeve si dhe mutacionet e fundit të COVID-19, kancelarja gjermane, Angela Merkel, tha në një takim me zyrtarët e lartë nga partia e saj që dëshiron “veprim shumë të shpejtë”.
Për të luftuar pandeminë e coronavirusit Komisioni Evropian ka miratuar deri më tani dy vaksina atë të Pfizer-BioNTech dhe të Moderna-s.
Ndryshe, numri i përgjithshëm i rasteve globalisht nga virusi vdekjeprurës u rrit në 93.1 milionë derisa janë regjistruar deri më tani 1.9 milion të vdekur.
