Qeveria gjermane planifikon të vërë në dispozicion një shtesë prej 6.2 miliardë eurosh për blerjen e vaksinës kundër COVID-19 në nivelin evropian, sipas një letre nga ministria gjermane e financave për komitetin e buxhetit parlamentar të shtetit.
Kostot shtesë janë rezultat i një blerje të bërë tashmë nga Komisioni Evropian, negociatave me prodhuesit e tjerë të vaksinave dhe negociatave të pavarura gjermane me kompani individuale, thuhej në letër.
Fonde shtesë do të rrisin buxhetin gjerman për blerjen e vaksinave në rreth 8.9 miliardë euro këtë vit.
“Me këtë, Ministria e Shëndetësisë synon të sigurojë një total prej deri në 635.1 milionë dozash të vaksinës”, shkroi Sekretarja e Shtetit për Financat, Bettina Hagedorn.
Kancelarja gjermane, Angela Merkel dhe 16 kryeministrat e shteteve federale gjermane duhet të zhvillojnë një raund tjetër bisedimesh sot nëse do të zgjasin bllokadën gjatë së cilës, ndër të tjera, mbyllen shkollat dhe bizneset që nuk janë të nevojshme.
