Qeveria franceze ka braktisur planet për të ndërtuar një terminal të madh në Aeroportin Charles de Gaulle në Paris.
Pandemia e koronavirusit dhe ndryshimi i prioriteteve për ambientin, kanë qenë arsyet e dhëna për këtë vendim.
Një terminal i katërt do të mundësonte qarkullim më të lehtë për 40 milionë pasagjerë shtesë brenda një viti.
Franca ka ndryshuar në mënyrë drastike prioritetet e veta për transport, meqë punimet e reja në aeroport tani duhet të përcillen me aeroplanë elektrikë apo të tillë me hidrogjen.
Ministrja për Ekologji, Barbara Pompili, i ka thënë të përditshmes Le Monde, se projekti tani është i “vjetëruar”.
“Neve do të na duhen gjithmonë aeroplanë, mirëpo ne duhet të ecim tutje me shfrytëzim më të arsyeshëm të trafikut ajror dhe të zvogëlojmë emetimet e gazrave serrë”, ka thënë ajo.
Julien Bayou, udhëheqës i Partisë së Gjelbër në Francë, ka thënë se kjo është “fitore e madhe për ambientalistët” kundër atij që e ka konsideruar “projekt idiot”.
Aeroporti, Charles de Gaulle, që është hapur më 1974, është aeroporti i dytë me më së shumti qarkullim pas atij Heathrow të Londrës.
Më 2019, në aeroportin francez kanë kaluar më shumë se 76 milionë pasagjerë.
