Moska përgatitet për “apokalips bore”

Evropë

Moska përgatitet për “apokalips bore”

Më: 11 shkurt 2021 Në ora: 20:23
Moska

Moska po përgatitet për reshje rekord bore gjatë fundjavës ndërsa moti pritet të sjellë një apokalips dëbore në kryeqytetin rus.

Ekspertët e motit thonë se një stuhi bore do të godasë Moskën me intensitet shumë të lartë, që në orët e para të së premtes dhe do të zgjasë për të paktën 36 orë.

Ata shtojnë se edhe era do të ketë shpejtësi të konsiderueshme ndërsa temperaturat do të bien në -15 gradë Celcius.

“Kjo është një stuhi e vërtetë bore, një apokalips bore, jo një stërvitje, por një betejë”, thonë ekspertët për mediat vendase.

Sipas tyre, stuhia është një vazhdim i të ashtuquajturës “Bisha nga Lindja 2” që ka përfshirë Europën javën e kaluar. Ekspertët presin që reshjet e borës të nisin në kryeqytetin rus nga e premtja deri të dielën dhe do të sjellin më shumë se 40 centimetra borë me vete. Ndërkohë që Moska është e mbuluar aktualisht nga 35 centimetra borë dhe me sasinë e pritshme, kryeqyteti rus mund të kapërcejë edhe rekordin prej 77 centimetrash, të regjistruar në mars të 2013.

commentFirst article
Sot mund të lexoni Shfletoni kopertinat