Mario Draghi arrin të sigurojë edhe mbështetjen e 'Lëvizjes 5 Yjet' për të formuar sa më shpejt një qeveri uniteti.
Pas votimit online 59.3% e anëtarëve të 'Lëvizjes 5 Yjet' votuan në mbështetje të ish-presidentit të Bankës Qendrore Evropiane, i cili ka siguruar edhe përkrahjen e partive të tjera italiane.
Por, përpara se të nis punën duhet se pari të raportojë tek presidenti Mattarella për të bërë me dije programin qeverisës por edhe emrat e ministrave.
Prioritetet e qeverisë së re përfshijnë një fushatë sa më të shpejtë vaksinimi dhe më shumë se 200 miliardë € fonde nga Bashkimi Evropian për rimëkëmbjen e vendit.