Greqia ka regjistruar 6, 000 viktima nga Covid dhe ia ka dalë më së miri se pjesa tjetër e Europs të mbajë nën kontroll pandeminë dhe të parandalojë që shërbimi i saj shëndetësor të shembet.
Por njësitë e kujdesit intensiv në spitalet shtetërore po operojnë me afërsisht 80% kapacitet dhe mjekët duan që qeveria të krijojë njësi të reja për pacientët me COVID-19 në vend që të përdorë ato ekzistuese, si dhe të punësojë më shumë staf dhe të përdorë burimet nga sektori privat.
“Ekziston një rrezik serioz si për pacientët me sëmundje kritike të COVID-19 ashtu edhe për pacientët me sëmundje kritike me sëmundje të tjera”, thanë në një deklaratë të përbashkët mjekët.
Me maska kirurgjikale, mjekët demonstruan në Athinë duke mbajtur pankarta që shkruanin “Mbështesni punonjësit shëndetësorë”. Më shumë se 1,200 pacientë me COVID ndodhen të shtruar në kujdes intensiv në Greqi që nga fillimi i pandemisë.
Greqia zgjati kufizimet e bllokimit në më shumë zona javën e kaluar për të ndaluar përhapjen e COVID-19 dhe mbajti të mbyllura restorantet, shkollat, sallonet dhe dyqanet jo-thelbësore me pakicë.
Të martën, autoritetet shëndetësore raportuan 880 raste të reja me koronavirus dhe 24 viktima.
