Një gjerman akuzohet për spiunim për rusët

Evropë

Një gjerman akuzohet për spiunim për rusët

Më: 25 shkurt 2021 Në ora: 15:39
Foto Ilustrim

Prokurorët gjermanë thanë të enjten se ata kanë ngritur akuza spiunimi kundër një personi të dyshuar për “kalimin e planeve të parlamentit” te shërbimet sekrete ruse, në një rast të ri që rrezikon të ndezë më tej tensionet midis Berlinit dhe Moskës.

Sipas mediave të huaja, i dyshuari, një shtetas gjerman i quajtur vetëm si Jens F., punoi për një kompani që ishte kontraktuar vazhdimisht nga Bundestag për të kryer kontrolle të rregullta në pajisjet elektrike nëpër mjediset e parlamentit.

“Në këtë sfond, i pandehuri kishte qasje në skedarë PDF me planet e “asetet parlamentare”, thanë prokurorët federalë.

I dyshuari besohet të ketë vendosur diku në verën e vitit 2017 për t’ia kaluar informacionin shërbimeve sekrete ruse.

“Për këtë, ai përgatiti një bartës të dhënash me skedarët përkatës PDF dhe ia dërgoi një punonjësi në ambasadën ruse në Berlin, i cili punon kryesisht për shërbimin sekret ushtarak rus GRU”, kanë thënë prokurorët.

Një çështje e tillë vie në pah në një kohë të lidhjeve veçanërisht të tensionuara midis Berlinit dhe Moskës rreth çështjes së udhëheqësit rus të opozitës Alexei Navalny. 

commentFirst article
Sot mund të lexoni Shfletoni kopertinat